Yanditswe na: Ubukungu
Ku ya: 24 / 11 / 2017 | Amakuru y’ iterambere |

Umurimo wo koza imodoka bamwe bafata nk’umwuga usuzuguritse, Nzaramba Vianney ukorera uyu murimo ku kinamba giherereye mu karere ka Kicukiro mu Murenge wa Kicukiro si ko we abibona, aho avuga ko iterambere agezeho ari ryo awukesha.

Nzaramba Vianney avuga ko umurimo wo koza imodoka awukunda cyane, aho yagize ati “Naho wambwira kuwureka ngo ntware imodoka kuko mfite uruhushya rwo gutwara sinabyemera, kuko amafaranga nkura mu koza imodoka ntayahembwa.”

Yakomeje avuga ko amaze kuva mu cyaro ubwo yakoraga umwuga w’ubuhinzi aho agereye i Kigali atangiye koza imodoka ubu arimo kubaka inzu, afite konti muri banki mu gihe mbere nta yo yagiraga, akaba abasha gutunga umuryango no kurihira umuryango we ubwisungane mu kwivuza n’ibindi.

Nzaramba yongeyeho ko byamufashije kujya muri koperative yitwa “Abanyamurava” bahuriyemo ari 12 boza imodoka, aho uyirimo adashobora kugira ikibazo cy’Amafaranga bagurizanya ndetse babitsa muri Sacco, ngo niyo hari ugize ibyago iyo koperative hari icyo bamufasha nk’abagize.

Agira inama n’abandi bakora ako kazi ko byaba byiza bakoze bafite koperative imwe bahuriyeho bose nkuko n’abandi bantu bakora bimwe bazikora aha ngo agasanga byagira ingufu bikazageza aho babona n’ibikoresho bijyanye n’igihe bakaba bareka gukoresha uburyo bwa gakondo bakagera ku koza bukoresheje ikoranabuhanga.

Uwimana Fidele, umuyobozi ushinzwe imicungire y’icyo kinamba, yatangaje ko umurimo wo koza imodoka ari umurimo mwiza kuko utunze nyirawo, akurikije abogereza muri icyo Kinamba uburyo bimaze kubateza imbere aho batangira ubona batabizi mu gihe gito ukabona barakora neza bikabageza ku iterambere.

Yakomeje avuga ko hari abantu cyane cyane urubyiruko bagomba kugira icyo babona hari icyo bakoze bagerageza bagakora imirimo itandukanye kuko nk’uyu ntacyo utwaye.

Mukankubana Jacqueline ushinzwe amakoperative mu Karere ka Kicukiro avuga ko amakoperative ari yo yakwishyiriraho ihuriro kuko iyo amakoperative akora bimwe iyo ageze kuri atatu ashobora kwishyira hamwe, bo bakabegera bakabafasha kubona amakuru ku bijyanye no kumenya amakuru y’imikorere y’amakoperative ndetse nuko hakorwa sitati ndetse bakabahugura bakabaha n’inama zitandukanye haba hanabonetse n’ubundi bushobozi bitewe n’abagize iyo koperative barabuhabwa.

Ba uwa mbere mu gutanga igitekerezo kuri iyi nkuru

Andika igitekerezo cyawe hano

Agaciro k'ifaranga - rwf

     Uyu munsi Ejo hashize     
Ifaranga Rigurwa Rigurishwa Ifaranga Rigurwa Rigurishwa
£ POUND 1124 1147 £ POUND 1124 1147
€ EURO 991.23 1011 € EURO 991.23 1011
$ USD 835.11 851.8 $ USD 835.11 851.8
CAD 659.5 672.7 CAD 659.5 672.7
KES 8.1 8.26 KES 8.1 8.26
TZS 0.37 0.37 TZS 0.37 0.37
RAND 40 50 RAND 30 40
UGX 0.23 0.23 UGX 0.23 0.23
FBu 0.25 0.37 FBu 0.30 0.37
Imigabane Igiciro cyo Hejuru Igiciro cyo Hasi Igiciro Bafungiyeho Ejo Hashize
BK 290 290 290 290
BLR 150 150 150 150
KCB 340 340 340 340
NMG - - 1200 1200
USL 104 104 104 104
EQTY - - 350 350
CTL 67 67 67 67