Yanditswe na: Ubukungu
Ku ya: 31 / 08 / 2016 | Amakuru yo mu karere (EAC) |

Abashoferi batwara amakamyo avana ibicuruzwa hanze y’ u Burundi ntibacyemerewe kurara aho imodoka zabo zihagarara. Abo abashoferi bavuga ko bagiye guhomba kuko ngo nta mafaranga yo kujya gucumbika mu mahoteli abakoresha babo baba babahaye.

Ibimodoka bizana ibicuruzwa bibikuye hanze y’igihugu cy’u Burundi byose bihagarara hafi y’ikiyaga cya Tanganyika aho bita kuri Gare Routière. Aho ibyo bikamyo bihamara igihe biba bitegereje ko bijyanwa ku cyambu cya Bujumbura gupakururwa.

Kuva ku wa gatandatu w’icyumweru gishize habaye ukutumvikana hagati y’igipolisi n’abashoferi batwara ibyo bikamyo. Igipolisi cyafashe icyemezo cyo kubabuza kurara muri Gare Routière. Igipolisi gitangaza ko iki cyemzo gisanzwe gihari nyamara abashoferi ngo bakomeje kwanga kugishyira mu bikorwa.

Ibivugwa n’igipolisi binashimangirwa n’ishyirahamwe rishinzwe gutunganya ibikorwa mu mujyi wa Bujumbura, SETEMU. Umuyobozi mukuru wa SETEMU Cyiza Sadiki asobanura ko iki cyemezo ari icyo kurinda ingorane z’umutekano muke zishobora kwaduka cyane ko ngo aho hantu harara abantu benshi.

Ariko abashoferi b’Abatanzaniya bavuga ko iki cyemzo yafashwe mu buryo buhutiweho. Bakanavuga ko nta bundi buryo bafite bwo kubona aho barara kuko ngo nta mafaranga ahagije bafite yo kubakodeshereza amahoteli.

Sadiki yemeza ko icyo cyemezo cyafashwe kugira ngo ntihagire ikintu na kimwe cyibwa cyangwa ngo cyangirike. Umuyobozi mukuru w’ishyirahamwe rishinzwe gutunganya ibikorwa mu mujyi wa Bujumbura yasezeranyije abo bashoferi ko agiye gukora uko ashoboye kugira ngo ababafashe kujya bapakururirwa vuba ibicuruzwa byabo aho kuhamara iminsi myinshi.

Ba uwa mbere mu gutanga igitekerezo kuri iyi nkuru

Andika igitekerezo cyawe hano

Agaciro k'ifaranga - rwf

     Uyu munsi Ejo hashize     
Ifaranga Rigurwa Rigurishwa Ifaranga Rigurwa Rigurishwa
£ POUND 1124 1147 £ POUND 1124 1147
€ EURO 991.23 1011 € EURO 991.23 1011
$ USD 835.11 851.8 $ USD 835.11 851.8
CAD 659.5 672.7 CAD 659.5 672.7
KES 8.1 8.26 KES 8.1 8.26
TZS 0.37 0.37 TZS 0.37 0.37
RAND 40 50 RAND 30 40
UGX 0.23 0.23 UGX 0.23 0.23
FBu 0.25 0.37 FBu 0.30 0.37
Imigabane Igiciro cyo Hejuru Igiciro cyo Hasi Igiciro Bafungiyeho Ejo Hashize
BK 290 290 290 290
BLR 150 150 150 150
KCB 340 340 340 340
NMG - - 1200 1200
USL 104 104 104 104
EQTY - - 350 350
CTL 67 67 67 67