Yanditswe na: Ubukungu
Ku ya: 6 / 12 / 2017 | Amakuru ya rwiyemezamirimo |

Imyitwarire y’umuntu n’imigenzereze ye ni kimwe mu bimufasha kugena ahazaza he. Uko umuntu yitwara nabi ni nako aba ashyira mu kaga ubuzima bwe, mu gihe nyamara imyitwarire myiza y’umuntu imusunikira ku mahirwe, imigisha no kugera ku byiza mu buzima bwe.

Kwiyubakamo ubumuntu no kwiyumvamo ubushobozi ni intambwe nziza ifasha umuntu kugera ku ntego ze mu buzima. Dore inama 10 zagufasha kwiyubakamo ubumuntu no gutera imbere vuba.

1. Igihe urakaye ntukihutire gufata icyemezo kuko uyobowe n’uburakari kwiyobora aheza biramugora.

2. Igihe ujijinganya utabona neza icyo gukora aho guhuzagurika shaka akanya ko gutuza no kwitaza abandi utekereze neza ubone igisubizo.

3. Igihe ubukene buguteye umuntu runaka akakuguriza amafaranga, jya uzirikana kumwishyura kandi umwishyurire igihe kuko ari ejo ari ejobundi uzongera umukenere burya ibibazo ni ibihoraho wihemurwa n’ikibazo kizagaruka.

4. Nutera umukobwa inda, ntuziyumvishe ko umuteye inda gusa ahubwo uzumve ko wowe nawe mwatangiye urugendo rwo kuzana umuntu mushya kuri iyi si. Aho guhunga no kwihakana uwo wabeshyaga urukundo, shikama nk’umugabo kandi wikureho umugayo wo kuzagira umwana ukugaya.

5. Abakunegura bose si ko baba bakubeshyera, burya umuntu uzavuga intege nkeya zawe, aho gushwana nawe uzagerageze kuba mwiza kurushaho, nurangiza n’ibanga ryinshi umusabe ko ikibi akubonyeho ajya akikubwira mu ibanga ugikosore ataguteje rubanda.

6. Burya twese tuzapfa kandi tubitinya kimwe. Ubabaye wese ubishoboye uzamufashe kandi intwari mu gukunda mugenzi wayo isumba intwari ijana mu kurasana.

7. Icyo ushoboye uzagikore kandi ugikunze cyane cyane impano yawe uzirikane kuyikoresha uko bikwiriye.

8. Ntabwo amafaranga akemura ibibazo byose mu buzima, bityo rero uzirinde guhemuka kubera yo.

9. Kuba wowe ni wowe wa mbere bifitiye akamaro. Igihe ushaka kwisuzugura nta muntu uzakubaha kandi nutagaragaza akamaro kawe kuri iyi si abandi bazaheraho bakuzimanganya.

10. Ufite impano n’ubwenge bihagije kugira ngo ntiwicwe n’inzara kuri iyi si. Igihe utabona aho kwerekeza, pfukama hasi usenge Imana niyo rumuri rumurikira abatazigera bayoba.

By:Tuyisenge J'D | Nov 05 2017

Andika igitekerezo cyawe hano ..., Nyagasani abongerere ubumenyi n'ubuhanga!!

By:TUYISENGE | Jan 28 2017

ndabikunze cyane.
niby'ubwenge pe!!!!!

By:Ndizeye theogene | Aug 13 2016

Tubashimiye inama inama nziza zigana ku iterambere,none nigute umuntu yamenya impano yifitemo?murakoze!!

By:hafashimana manaseeh | Aug 12 2016

Andika igitekerezo cyawe hano ...murakoze cyane nukuri izinama ninziza ziratwubaka

Andika igitekerezo cyawe hano

Agaciro k'ifaranga - rwf

     Uyu munsi Ejo hashize     
Ifaranga Rigurwa Rigurishwa Ifaranga Rigurwa Rigurishwa
£ POUND 1124 1147 £ POUND 1124 1147
€ EURO 991.23 1011 € EURO 991.23 1011
$ USD 835.11 851.8 $ USD 835.11 851.8
CAD 659.5 672.7 CAD 659.5 672.7
KES 8.1 8.26 KES 8.1 8.26
TZS 0.37 0.37 TZS 0.37 0.37
RAND 40 50 RAND 30 40
UGX 0.23 0.23 UGX 0.23 0.23
FBu 0.25 0.37 FBu 0.30 0.37
Imigabane Igiciro cyo Hejuru Igiciro cyo Hasi Igiciro Bafungiyeho Ejo Hashize
BK 290 290 290 290
BLR 150 150 150 150
KCB 340 340 340 340
NMG - - 1200 1200
USL 104 104 104 104
EQTY - - 350 350
CTL 67 67 67 67